I ngairmeacha Cruthaitheacha bítear ag obair le foirmeacha, le dearaí agus le pátrúin éagsúla. Go minic bíonn féinléiriú i gceist agus is féidir an obair a dhéanamh gan cloí le sraith shoiléir rialacha.

Is maith le Nádúraithe obair a bhaineann ‘le rud éigin a dhéanamh do rudaí orgánacha’, is é sin, plandaí, ainmhithe agus a gcuid táirgí (mar shampla, bia). Cosúil le daoine réadúla, is maith le nádúraithe cur chuige teagmhálach agus torthaí follasacha a fheiceáil.

I ngairmeacha an Fhiontraí bíonn sé i gceist tionscadail a chur ar bun agus a chur i gcrích. B'fhéidir go mbeadh sé i gceist sna gairmeacha seo daoine a threorú agus cinntí a dhéanamh. Uaireanta bíonn gá dul sa seans agus go minic bíonn cúrsaí gnó i gceist.