I gcás gairmeacha teangeolaíocha bítear ag obair go minic le cruthú agus le malartú eolais trí na meáin scríofa, leictreonacha nó labhartha. Is fearr leis na daoine seo timpeallacht neamhstruchtúrtha mar go mbeidh an t-am acu a gcuid samhlaíochta a úsáid chun a machnamh a dhéanamh.

I ngairmeacha Cruthaitheacha bítear ag obair le foirmeacha, le dearaí agus le pátrúin éagsúla. Go minic bíonn féinléiriú i gceist agus is féidir an obair a dhéanamh gan cloí le sraith shoiléir rialacha.

I ngairmeacha an Riarthóra bítear ag obair le sonraí seachas le smaointe agus le daoine. Is maith leis na daoine seo gnáthaimh agus treoracha soiléire, agus is maith leo fíricí agus figiúirí a sheiceáil.